أنشودة لا أمل سماعها

أنشووودة لا امل من سماعها هم ثنتين ولمنشد واحد ...

الاولى ::: أعذروووني ::: ..
للمنشـــد " ابو علي " ..

وهذي كلمــــــاتها ...

اعذروني فاض هــمي واشــتكى قــلبي وناح
اعذروني لاتلوموني بياض الشيب لاح

عقب خلانِ الشدايد عطرهم بالمـسك فاح

عقب ما زانت لــيالي وارتويــنا بالجــراح

يـا طيور الوقــت نوحـي لا تــغني بارتـــياح

ضاقـت الدنـيا ومالـي في مغانيــها مــراح

غير ساحات المعارك ما لقى قلبي انشراح

* * *

اعذروني يا رفاقه يوم فاضت بي همـــــوم

اعذروني لا تلومـوا ضاق صدري بالهــموم

من يلوم اللي غريـقٍ في بـحوره ما يـعـــــــوم

من يلوم اللي كــثيرٍ غيرت حـــاله ســـهوم

آهـ يا دنيا العجايب كم تساقينا سمــــــوم

طير طاير وش علامك في السما دايم تحوم

طير طاير مرحبا بك كان في صدرك علوم

* * *

اعذروني يا رفاقه عقب شـديت الرحــال
اعذروني لا تلوموا سال دمع العين سال

سالت العبرات مني في كنيــني الهـم جــال

ما على الدنيا حسوفه عقب ميدان القتال

ما على الدنيا حسوفه يا صناديد الرجال

* * *

سِعد من نال الـشهاده من نـعيم الخلد نال

في جنان الـخلد داره يكـــرمه رب الجـلال

في جنان الخلد يـسرح مع رفيـقات الـدلال

يهتني بالحــور دايـم يهتـني باحـلى وصـال

لو تمـنى ما تمـنى مـن نعـيم الخـير طــــال

سِعد من نال الشهاده سِعد من وفا ونال

* * وهذي وصلة الاستمااع :-
http://www.anashed.net/audio/monaw3at/e3dhrony.ram

والثانية ::: ابتدي بالحمد لله ::: ..
للمنشدين " ابو علي " و " ابو ريان " ..

وهذي كلمــــــاتها ..

ابتدي بالحمد لله .. واحمد واثني عليه
واعترف له بالولاية كل خلقه بين يديه
كان لي ذا الليل شكوى ....... بابتدي الشكوى عليه
يلالا له .. يالالا له ... والثمن جنة وحور

* * *

تشتكي همك على الله .. واشتكي همي عليه
مالي ياخوي غيره ..نبتغيه ونرتجيه
نطلبه دربٍ متين .. نسلكه نمشي عليه
يلالا له .. يالالا له ... والثمن جنة وحور
والثمن جنة وحور

* * *

فاقد لي خل غالي .. فاقد الدرع المتين
فاقده والعين تدمع .. والضماير في ونين
خايف أن البعد ياخذ ....بيننا عهد وسنين
يلالا له .. يالالا له ... والسنين بنا تدور
والسنين بنا تدور

* * *

بانشد القمره وأدور .. في السما مرشد دليل
وانشد الطاير واقول له .... وين ذياك الزميل
قبل ما يطوى كتابي ... وين ألاقيله مثيل
ويلالا له .. يالالا له ...
ومابدا فيكم قصور ....
ومابدا فيكم قصور ....

* * *

عز دينك ياخويي .. همك الليله طويل
فاقد لك راس مالك ... فاقد الزول الجميل
أطلب الله لك جنان .. واطلبه ظل ظليل
يلالا له .. يالالا له ... والوعد جنة وحور

.
.